Frá Eyri liggja fallegir göngustígar meðfram lækjum og hlykkjast upp að fossinum fyrir ofan bæinn. Handan hans heldur leiðin áfram að litlu stöðuvatni þar sem kyrrðin, víðsýnið og náttúrufegurðin skapa nær óraunverulega stemningu. Annar stígur liggur með ströndinni í átt að Hvalfjarðareyri, þar sem lítill viti hefur um árabil vísað sjófarendum leið um fjörðinn.

Í nágrenninu er einnig margt sem býður upp á frekari ævintýri. Slakaðu á í náttúruböðunum í Hvammsvík eða heimsæktu sundlaugarnar á Kjalarnesi og í Hvalfjarðarsveit. Gakktu að Glym, rölttu um skóginn við Fossá eða, ef dagurinn kallar á góðan mat og notalega samveru, kíktu við á Hálsi og nældu þér í fyrsta flokks nautakjöt frá svæðinu áður en haldið er heim til að elda og njóta saman.

Til að gera útiveruna enn notalegri fylgir hverju húsi nestistaska, svo auðvelt sé að taka með sér einfalda máltíð og dvelja aðeins lengur úti í náttúrunni – nærð bæði á líkama og sál.